mardi 9 juin 2009

André Thevet : une visite aux Pyramides, "par manière de récréation"


L'explorateur français André Thevet (vers 1502- 1590) effectua en 1552-1554 un voyage à Constantinople, en Égypte et en Palestine, dont il fit le récit dans son ouvrage Cosmographie du Levant, publié en 1554.

Il écrit :

"Après avoir vù le Caire, nous allames voir par maniere de recreacion les Pyramides, desquelles plusieurs auteurs escrivent, & les nombrent entre les sept miracles du Monde : à cause dequoy Demetrius Simiceus fut induit & esmu d’aller en cette contree, qui est entre le Caire & le Delta, pour les voir : Ces Pyramides sont faites en pointe de Diamant, eslevees comme Tours, & surmontant toute hauteur de montagne : Et pource qu’en bas elles sont fort larges & tousjours en montant viennent à diminuer, les Geometriens les apelent Pyramides, du nom du feu, dit en Grec, Pyr. De trouver & connoitre la mesure de sesdites Pyramides, & semblables choses tant hautes, n’estoit possible devant Thales Milesien, nombré entre les sept Sages de Grece, qui premier trouva le moyen de savoir la quantité, & hauteur de ces choses. Les Rois d’Egypte faisoient faire ces Pyramides, pour laisser memoire particuliere d’eus : ce que n’a jamais loué Pline, homme de grande doctrine & de bon jugement : ains apele ces monceaus de pierre vanitez, & ostentacions des Rois d’Egypte, ocieuses & temeraires. Les autres disent, que les Princes faisoient ces grans despens, à fin que le peuple ne fust ocieux : ou bien qu’ils ne donnassent ocasion de pourchasser leur mort, à ceus qui devoient apres eus succeder. En ce lieu là, estoit anciennement Babylone, autrement nommee Bagadet. Herodote nomme plusieurs Pyramides, comme celle de Cheopes, laquelle demeura vint ans à estre parfaite : Elle estoit de forme carree, ayant en chacun front huit cens piez de largeur, & autant de hauteur : chaque pierre ordinairement estoit de trente piez, fort bien ouvree, taillee, & gravee, avec figures de diverses bestes. Les autres sont de Cephis, de Micerine, ou bié d’Asychis, combien que vray on ne scet qui les ha faites, pource que les Egypciens portans mauvais vouloir à ces Rois, ne les daignoient seulement nommer, & disoient que ses Pyramides avoient esté baties par un Berger. La cause du mauvais vouloir, estoit pourautant, que leur affliccion dura cent six ans, & par si long trait de tems, les temples furent cloz sans les ouvrir. Les Juifs m’ont dit plusieursfois, qu’ils trouvoient en leurs Croniques, que ces Pyramides estoient les appuis des greniers de Pharaon : ce que n’est vraysemblable. Je croy plustot ce qu’aucuns disent : que c’estoient les Sepultures des Rois, comme il apert par Herodote : & de ce j’ay fait l’experience : car j’ay vù dens une Pyramide, une grand pierre de marbre, taillee en façon de Sepulcre."

Source : Musagora

Aucun commentaire: